Выставна сала Михала Дубая
Михал Дубай (1910 – 1993) быв нелем талентованый малярь, но зограв в Пряшові і вызначну културотворну роль. Стояв при зродї такых інштітуцїй, як Штатна научна бібліотека, де быв довго директором, Крайска ґалерія вытварного уменя (днесь Шарішьска ґалерія), Україньскый народный театер (днесь Театер Александра Духновіча), Педаґоґічна факулта в Пряшові, яка была побочков Словацькой універзіты в Кошіцях, Музей україньской културы, якый взникнув як часть Крайского музея в Пряшові, робив в области охраны памяток, быв педаґоґом, редактором, публіцістом, културным робітником.
По Михалови Дубаёви остало цїнне цїложывотне дїло, зато сьме вырішыли назвати выставны просторы на приземлю нашого музея ёго меном як Выставна сала Михала Дубая.
